အင်ဒိုနီးရှားနှင့် Apple တို့သည် အင်ဒိုနီးရှားတွင် iPhone 16 စီးရီး ရောင်းချခြင်း ပိတ်ပင်ထားသည်ကို ရုပ်သိမ်းရန် သဘောတူညီမှု ရရှိခဲ့ကြ

အင်ဒိုနီးရှားနှင့် Apple တို့သည် အင်ဒိုနီးရှားတွင် iPhone 16 စီးရီး ရောင်းချခြင်း ပိတ်ပင်ထားသည်ကို ရုပ်သိမ်းရန် သဘောတူညီမှု ရရှိခဲ့ကြပြီး ယခုသီတင်းပတ်အစောပိုင်းတွင် သဘောတူညီချက်တစ်ရပ်ကို လက်မှတ်ရေးထိုးနိုင်လိမ့်မည်ဟု မျှော်လင့်ထားသည်။ပြည်တွင်း၌ ရောင်းချသော စမတ်ဖုန်းများတွင် ပြည်တွင်းဖြစ် အစိတ်အပိုင်းများ အနည်းဆုံး ၃၅% ပါဝင်ရမည့်သတ်မှတ်ချက်ကို Apple မှ လိုက်နာခြင်းမရှိသဖြင့် ၂၀၂၄ အောက်တိုဘာလမှစ၍ အင်ဒိုနီးရှားတွင် iPhone 16 စီးရီး ရောင်းချခြင်းကို ပိတ်ပင်ထားသည်။

ယခုအခါ Apple သည် စမတ်ဖုန်းများအပါအဝင် Apple ပစ္စည်းများအတွက် အစိတ်အပိုင်းများကို အင်ဒိုနီးရှားတွင် ထုတ်လုပ်ရန် ကန်ဒေါ်လာ ၁ ဘီလီယံ ရင်းနှီးမြှုပ်နှံမည်။