တနင်္သာရီတိုင်းဒေသကြီး၊ မြိတ်မြို့၌ ရေတွင်းထဲသို့ ပြုတ်ကျသည့် ဆိတ်တစ်ကောင်အား မီးသတ်တပ်ဖွဲ့ဝင်များက အသက်ရှင်လျက် ကယ်ဆယ်

တနင်္သာရီတိုင်းဒေသကြီး၊ မြိတ်မြို့၊ ကန်ခေါင်းရပ်ကွက်၊ စကားဝါလမ်းရှိ ရေတွင်းတစ်ခုအတွင်းသို့ မေလ ၂၉ ရက် နံနက် ၇ နာရီ ၅၀ မိနစ်အချိန်ခန့်က ဆိတ်တစ်ကောင် ပြုတ်ကျသွားခဲ့သဖြင့် မြိတ်ခရိုင်/မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များက ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ နံနက် ၈ နာရီ ၁၀ မိနစ်အချိန်တွင် အဆိုပါဆိတ်အား ရေတွင်းထဲမှ အသက်ရှင်လျက် အောင်မြင်စွာ ကယ်ဆယ်နိုင်ခဲ့ကြောင်း သိရသည်။