နေပြည်တော်၊ ဥတ္တရသီရိမြို့နယ်၌ ငလိုက်ဆည်ရေမြောင်းအတွင်း အမျိုးသားတစ်ဦး ရေနစ်သေဆုံး

နေပြည်တော်၊ ဥတ္တရသီရိမြို့နယ်၊ မင်းကုန်းကျေးရွာအုပ်စု၊ ဆည်ကန်အရှေ့ရွာအနောက်ဘက်ရှိ ငလိုက်ဆည်ရေလွှတ်ရေမြောင်းအတွင်း၌ မေလ ၂၇ ရက် နေ့လယ် ၁ နာရီခွဲခန့်က အမျိုးသားတစ်ဦး ရေနစ်မှုဖြစ်ပွားခဲ့ကြောင်း သိရသည်။ရေနစ်နေကြောင်း သတင်းရရှိသဖြင့် တောင်ညို (ယာယီ) နယ်မြေမီးသတ်စခန်းမှ ရှာဖွေကယ်ဆယ်ရေးယာဉ် (၁) စီး၊ သန္ဓေမီးသတ်တပ်ဖွဲ့ဝင်များနှင့် သက်ဆိုင်ရာအဖွဲ့အစည်းများ ပူးပေါင်းကာ သွားရောက်ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ကြသည်။ အဆိုပါဖြစ်စဉ်ကြောင့် ရေနစ်သေဆုံးသွားခဲ့သည့် အမျိုးသား (၁) ဦး၏ ရုပ်အလောင်းအား သဟပုညကာရီပရဟိတအသင်းမှ သူနာတင်ယာဉ်ဖြင့် နေပြည်တော် ကုတင် (၁,၀၀၀) ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။