မကွေးတိုင်းဒေသကြီး၊ မင်းဘူးမြို့ မင်းဘူး-အမ်းလမ်းမပေါ်တွင် သစ်ပင်လဲကျမှုဖြစ်ပွား၍ မီးသတ်တပ်ဖွဲ့ဝင်များက ဖယ်ရှားရှင်းလင်း

မကွေးတိုင်းဒေသကြီး၊ မင်းဘူးမြို့နယ်၊ အမှတ် (၄) ရပ်ကွက်၊ ရွှေမင်္ဂလာရပ်ရှိ မင်းဘူး-အမ်းလမ်းမကြီးပေါ်တွင် ယနေ့ (မေလ ၂၇ ရက်) နံနက် ၇ နာရီ ၅၅ မိနစ်အချိန်ခန့်က သစ်ပင်လဲကျမှုဖြစ်ပွားကြောင်း သတင်းရရှိသဖြင့် မင်းဘူးမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များက မော်တော်ယာဉ်များ ဘေးအန္တရာယ်ကင်းရှင်းစွာ သွားလာနိုင်ရေးအတွက် လမ်းပေါ်တွင် ပိတ်ဆို့နေသည့် သစ်ကိုင်း၊ သစ်ပင်များကို ခုတ်ထွင်ဖယ်ရှားခြင်းနှင့် လမ်းအင်္ဂါရပ်နှင့်ညီညွတ်စေရန် ရှေ့တန်းရောက် ရှင်းလင်းရေးလုပ်ငန်းများကို အချိန်မီ သွားရောက်ဆောင်ရွက်ခဲ့ကြကြောင်း သိရသည်။