မကွေး၌ ဆိုင်ခန်း၅၀၀နီးပါးပါဝင်သည့် အောင်သစ်လွင်ဈေးဖွင့်လှစ်

မကွေးတိုင်းဒေသကြီး မကွေးမြို့၊ အောင်မေတ္တာရပ်ကွက်၊ သစ်တောလမ်းမှာ ဆိုင်ခန်း ၅၀၀ နီးပါး ထည့်သွင်း တည်ဆောက်ထားတဲ့ အောင်သစ်လွင်ဈေးကို မေလ ၆ ရက် မနက်ပိုင်းက ဖွင့်လှစ်ခဲ့ပါတယ်။ဈေးဖွင့်ပွဲကို မကွေးတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်ကိုကိုနဲ့ အစိုးရအဖွဲ့ဝင်ဝန်ကြီးတွေ၊ ဌာနဆိုင်ရာ တာဝန်ရှိသူတွေ တက်ရောက်ဖွင့်လှစ်ပေးပါတယ်။အဲဒီဈေးဟာ မကွေးမြို့မှာ ၆ ခုမြောက်ဖွင့်လှစ်တဲ့ဈေးဖြစ်ပြီး (၁၀) ပေပတ်လည် ဈေးဆိုင်ခန်းပေါင်း ၂၄၉ ခန်း၊ ကုန်ခြောက်ဆိုင်ခန်း ၁၅၃ ခန်း၊ သားငါးဆိုင်ခန်း ၁၂ ခန်း၊ ပျံကျဆိုင်ခန်း ၈၄ ခန်း ပါဝင်တယ်လို့ သိရပါတယ်။အောင်သစ်လွင်ဈေးဖွင့်လှစ်လိုက်တဲ့အတွက် ဈေးအနီးတဝိုက်ကရပ်ကွက်တွေမှာ နေထိုင်တဲ့ ပြည်သူတွေအတွက် အဆင်ပြေနိုင်မှာဖြစ်တယ်လို့ မကွေးမြို့နယ်စည်ပင်သာယာရေးအဖွဲ့၊ ဈေးများဌာနစိတ်တာဝန်ခံ၊ ဦးစီးအရာရှိ ဦးကျော်စိုးမင်းက ပြောပါတယ်။