မြောင်းမြမြို့နယ်၊ ပကိတ်ကျေးရွာတွင် ယနေ့ နံနက် ၄ နာရီခန့်က လူနေအိမ်များ မီးလောင်မှုဖြစ်ပွား၊ ကနဦးသတင်းများအရ နေအိမ်အလုံး(၃၀)ခန့်နှင့်ဂို‌ဒေါင် (၃)လုံးခန့် မီးလောင်ပျက်စီး

ဧရာဝတီတိုင်းဒေသကြီး၊ မြောင်းမြမြို့နယ်၊ ပကိတ်ကျေးရွာတွင် ဧပြီလ ၂၈ရက်မနက် ၄နာရီခန့်က လူနေအိမ်များမီးလောင်နေကြောင်း သတင်းရရှိသဖြင့် မြောင်းမြမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ သွားရောက်ငြိမ်းသတ်ခဲ့ရကြောင်း သိရသည်။အဆိုပါမီးလောင်မှုစတင်ဖြစ်ပွားရာမှာ ပကိက်ကြီး ကျေးရွာအုပ်စု၊ ပကိက်ကျေးရွာကမ်းနားလမ်းနေ ဒေါ်မြင့်မြင့်ပြုံး၊ ၆၀ နှစ်၊ (ဘ) ဦးစံသင်းကျပန်းလုပ်သူ၏ နေအိမ်မီးဖိုချောင်မှစ၍ မီးလောင်မှုဖြစ်ပွားခဲ့ကြောင်း၊ ရွာသူ၊ရွာသားများ၊မြို့နယ်မီးသတ်တပ်ဖွဲ့ဝင်များ၊‌ကျေးရွာရှိအရံမီးသတ်တပ်ဖွဲ့ဝင်များမှ ဝိုင်းဝန်းငြိမ်းသတ်ကြရာ နံနက်၆:၀၀‌နာရီကျော်တွင် မီးငြိမ်းသတ်နိုင်ခဲ့‌ကြောင်း သိရသည်။