မကွေးတိုင်းဒေသကြီး၊ရေနံချောင်းမြို့နယ်ရှိ ဘုန်းတော်ကြီးကျောင်းနှစ်ကျောင်းသို့ မီးသတ်တပ်ဖွဲ့က သောက်သုံးရေ သွားရောက်လှူဒါန်း

မကွေးတိုင်းဒေသကြီး၊ ရေနံချောင်းမြို့နယ်အတွင်းရှိ “သုဒ္ဓဝိပဿနာ” ဘုန်းတော်ကြီးကျောင်းနှင့် “ရွှေဘုံသာ” ဘုန်းတော်ကြီးကျောင်းတို့တွင် သောက်သုံးရေ လိုအပ်လျက်ရှိသဖြင့် ဧပြီလ ၂၅ ရက်နေ့က ရေနံချောင်းမြို့နယ်မီးသတ်စခန်းမှ မီးသတ်ရေသယ်ယာဉ်ဖြင့် သွားရောက်လှူဒါန်းခဲ့ကြောင်း သိရသည်။ အဆိုပါလှူဒါန်းမှုတွင် သစ်တပွေရပ်ကွက်၊ ကျောက်ကုန်းရပ်ရှိ ကျောင်းတိုက်နှင့် ရွှေဘုံသာရပ်ကွက်ရှိ ကျောင်းတိုက်တို့သို့ သောက်သုံးရေများ ဖြည့်ဆည်းပေးခဲ့ခြင်းဖြစ်ကြောင်း သိရှိရပါသည်။