ရှမ်းပြည်နယ်၊တောင်ကြီးမြို့ ၊ ရွှေတောင်ရပ်ကွက် နယ်မြေ ၁၁ တွင် ယမန်နေ့ည ဖုန်းဆိုင်မှ စ၍ မီးလောင်မှု ဖြစ်ပွားရာ နေအိမ် ၂ လုံး လောင် ကျွမ်းသွားပြီဟု ရပ်ကွက်နေ ပြည်သူထံမှ သိရသည်။ဧပြီလ ၈ ရက် ၊ ညပိုင်း ၁၀ နာရီ မထိုးခင် ၁၀ မိနစ် အလိုတွင် မီးစတင် လောင်ကျွမ်းခြင်း ဖြစ်ပြီး နာရီဝက် ကျော် ကြာသည်အထိ ဆက်လက် ငြိမ်းသတ်နေဆဲ ဖြစ်ကြောင်း ကြား သိရသည်။"စိန်ပန်း ရပ်ကွက်ရုံးရဲ့ အနောက်ဘက်က ရွှေတောင် ရပ်ကွက်မှာ လောင်တာ ၊ ပုပ္ပါး ဆေးခန်း အဆင်းလို့ ခေါ်တယ်။ ဖုန်းဆိုင် ကနေ စလောင်နေတယ်။ အခု အိမ် နှစ်လုံး ပါသွားပြီ။ အိမ်ပူးအိမ်ညှက်တွေ များတယ်။ စိန်ပန်း ရပ်ကွက် ရုံး ရဲ့ တစ်လမ်းကျော် နားလေးပဲ ဖြစ်တာပါ။”ဟု သွားရောက်ခဲ့သော မီးသတ်တပ်ဖွဲ့ဝင် တစ်ဦးက ပြောသည်။
