စစ်ကိုင်း၊ရွှေဘိုမြို့တွင်မဟာသင်္ကြန်ပွဲတော်ကို စည်ကားစွာ ကျင်းပရန်စီစဥ်လျက်ရှိ

စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့၊ ရန်ကြီးအောင်ပန်းခြံရှေ့တွင် မြန်မာ့ရိုးရာမဟာသင်္ကြန်ပွဲတော်ကို စည်ကားစွာ ကျင်းပရန်စီစဥ်လျက်ရှိကြောင်း သိရသည်။ရွှေဘိုမြို့၊ သင်္ကြန်ပွဲတော်ကို ဗဟိုမဏ္ဍပ်ကြီးတစ်ခုအပါအဝင် ရေကစားမဏ္ဍပ်များ၊ သင်္ကြန်ယိမ်းအကပြိုင်ပွဲများဖြင့် နေ့စဉ်ဖျော်ဖြေပေးမည်ဖြစ်ပြီး စတုဒီသာ ကျွေးမွေးဧည့်ခံသွားမည်ဖြစ်ကြောင်းလည်း သိရသည်။ရွှေဘိုမြို့၌ မြန်မာ့ရိုးရာ မဟာသင်္ကြန်ပွဲတော် စည်ကားစွာ ကျင်းပပြုလုပ်နိုင်ရေးအတွက် လုပ်ငန်းကော်မတီများ အ သီးသီးဖွဲ့စည်းထားရှိပြီး ရေကစားမဏ္ဍပ်များ ဆောက်လုပ်နေပြီဖြစ်ကြောင်း သိရသည်။