ရန်ကုန်တိုင်းဒေသကြီးအစိုးရအဖွဲ့၊ သစ်တောဦးစီးဌာန၊ အားကစားနှင့်ကာယပညာဦးစီးဌာနတို့၏ ဦးဆောင်
လမ်းညွှန်မှုဖြင့် တိရစ္ဆာန်ဥယျာဥ် (ရန်ကုန်) မှ လှော်ကားသဘာဝဥယျာဥ် သို့ Mountain Bike (MTB) လူသစ်တန်း စက်ဘီးစီးပြိုင်ပွဲ ကျင်းပပြုလုပ်မည်ဖြစ်သည်။ပြိုင်ပွဲကို (မတ်လ ၂၉ )ရက်နေ့၌ ပြုလုပ်မည်ဖြစ်ကာ တိရစ္ဆာန်ဥယျာဉ် (ရန်ကုန်) မှ နံနက် (၆) နာရီတွင် တာထွက်မည် ဖြစ်ကာ ပန်းဝင်မည့်နေရာသည် လှော်ကားသဘာဝဥယျာဉ်သို့ (နံနက် ၈:၀၀) ပန်းဝင်ရန် ခန့်မှန်းထားသည်။ဆုများအနေဖြင့် ပထမဆု: ၇ သိန်းကျပ်၊ ဒုတိယဆု: ၅ သိန်းကျပ်၊ တတိယဆု: ၄ သိန်းကျပ်၊ စတုတ္ထဆု: ၃ သိန်းကျပ်၊ ပဉ္စမဆု: ၂ သိန်းကျပ်ဖြစ်သည်။ ထို့အပြင် အထူးဆုအနေဖြင့် အဆင့် (၆) မှ (၁၀) အတွင်းဝင်သူများအတွက် - ၁ သိန်းကျပ်စီ၊ အဆင့် (၁၁) မှ (၃၀) အတွင်းဝင်သူများအတွက် - ၃ သောင်းကျပ်စီပေးမည် ဖြစ်သည်။ထို့အတူ ပန်းဝင်တံဆိပ်အဖြစ်ပြိုင်ပွဲဝင် (၃၀၀) ဦးအထိ ပန်းတိုင်သို့ စနစ်တကျဝင်ရောက်သူတိုင်းကို "ပန်းဝင်ဆုတံဆိပ်" များ ဂုဏ်ပြုချီးမြှင့်သွားမည် ဖြစ်သည်။ ပြိုင်ပွဲဝင်လိုသူများသည် အသက် (၁၈) နှစ်အထက်သာ ဖြစ်ရမည် ဖြစ်ကာ MTB စက်ဘီး Tyre Size 1.95 ထက် မသေးရသလိူ ရှေ့ရှော့ဘားပါရှိ ရပါမည်ဖြစ်သည်။
