မန်စီးတီးနှင့်ပွဲအတွက် ရီးယဲလ်မက်ဒရစ်လူစာရင်းတွင် အမ်ဘာပေ ပြန်လည်ပါဝင်လာပြီး ဘယ်လင်ဂမ်မှာမူ ဆက်လက်အနားယူရဦးမည်

မန်စီးတီးအသင်းနှင့် ယှဉ်ပြိုင်ကစားမည့် ချန်ပီယံလိဂ် ၁၆ သင်းအဆင့် ဒုတိယအကျော့ပွဲစဉ်အတွက် ရီးယဲလ်မက်ဒရစ်အသင်း၏ လူစာရင်းတွင် ဒဏ်ရာကြောင့် ဖေဖော်ဝါရီ ၂၁ ရက်ကတည်းက အနားယူနေရသည့် အသက် ၂၇ နှစ်အရွယ် တိုက်စစ်မှူး အမ်ဘာပေ ပြန်လည်ပါဝင်လာပြီဖြစ်ကြောင်း နည်းပြ အာဘီလိုအာက အတည်ပြုလိုက်သော်လည်း၊ ဖေဖော်ဝါရီ ၁ ရက်ကတည်းက တံကောက်ကြောဒဏ်ရာရရှိခဲ့သည့် အင်္ဂလန်ကွင်းလယ်လူ ဘယ်လင်ဂမ်မှာမူ ဒဏ်ရာသက်သာရန် မျှော်မှန်းထားသည်ထက် ပိုမိုကြာမြင့်နေသဖြင့် ယခုပွဲစဉ်အပြင် ဥရုဂွေး၊ ဂျပန်တို့နှင့်ကစားမည့် နိုင်ငံတကာခြေစမ်းပွဲများကိုပါ လွဲချော်ရန် သေချာသလောက်ရှိနေကြောင်း သိရသည်။