မြန်မာ့လက်ဖက်စို စားသုံးသည့်ဓလေ့ကို ကမ္ဘာကသိစေရန် ရည်ရွယ်သည့် မြန်မာ့လက်ဖက်ပွဲတော် စည်ကားစွာကျင်းပလျက်ရှိ

မြန်မာ့ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့နှင့် မြန်မာနိုင်ငံ လက်ဖက်စိုက်ပျိုး ထုတ်လုပ် တင်ပို့ရောင်းချသူများအသင်းတို့ ပူးပေါင်း၍ (၇၉) နှစ်မြောက် ပြည်ထောင်စုနေ့ကို ဂုဏ်ပြုသောအားဖြင့် မြန်မာ့လက်ဖက်ပွဲတော် ကို ရန်ကုန်မြို့၊ စိမ်းလန်းစိုပြေဥယျာဉ်၌ ဖေဖော်ဝါရီ ၁၁ ရက်မှ ၁၄ ရက်အထိ ၄ ရက်တိုင်တိုင် ကျင်းပလျက်ရှိသည်။ ဤပွဲတော်ကို မြန်မာ့လက်ဖက်စို စားသုံးသည့် ယဉ်ကျေးမှုကို UNESCO ၏ လူသားမျိုးနွယ်ကိုယ်စားပြု ဒြပ်မဲ့ယဉ်ကျေးမှုအမွေအနှစ်အဖြစ် အသိအမှတ်ပြုခံရစေရန်နှင့် မျိုးဆက်သစ်လူငယ်များ ပိုမိုတန်ဖိုးထားလာစေရန် ရည်ရွယ်ကျင်းပခြင်းဖြစ်သည်။