"ဇော်လေးနိုင် ဇာတ်သဘင်အဖွဲ့" အတွက် မြန်မာနိုင်ငံရုပ်ရှင်အစည်းအရုံး ဥက္ကဋ္ဌ အလှုငွေကျပ် (၅)သိန်း ပေးအပ် လှူဒါန်း

မကွေးတိုင်းဒေသကြီး၊ တောင်တွင်းကြီးမြို့နယ်တွင် ယာဉ်တိမ်းမှောက်မှုကြောင့် ထိခိုက်သေဆုံးမှုများရှိခဲ့သည့် "ဇော်လေးနိုင် ဇာတ်သဘင်အဖွဲ့" အတွက် မြန်မာနိုင်ငံရုပ်ရှင်အစည်းအရုံးဥက္ကဋ္ဌ အကယ်ဒမီ ဦးကြည်စိုးထွန်း က အလှူငွေကျပ် (၅) သိန်း ပေးအပ်လှူဒါန်းခဲ့သည်။ ဇန်နဝါရီ ၂၈ ရက်က တပ်ကုန်းမြို့နယ်သို့ ဖျော်ဖြေရန်သွားစဉ် ဖြစ်ပွားခဲ့သော အဆိုပါယာဉ်မတော်တဆမှုကြောင့် အဖွဲ့သား ၁၂ ဦးအထိ အသက်ဆုံးရှုံးခဲ့ရပြီး၊ လက်ရှိတွင် ဦးကြည်စိုးထွန်းသည် နေပြည်တော် ခုတင် (၁၀၀၀) ဆေးရုံသို့ ကိုယ်တိုင်သွားရောက်ကာ ဆေးကုသမှုခံယူနေသူများကို ကြည့်ရှုအားပေးရင်း လှူဒါန်းခဲ့ခြင်းဖြစ်ကြောင်း သိရှိရပါသည်။