တိုက်ကြီးမြို့နယ်၊ တာဂွကျေးရွာရှိ ဘီယာဆိုင်တစ်ဆိုင်တွင် မီးလောင်မှုဖြစ်ပွား၊ မီးသတ်ယာဉ် ၄ စီးဖြင့် ငြှိမ်းသတ်လျက်ရှိ

ရန်ကုန်တိုင်းဒေသကြီး၊ တိုက်ကြီးမြို့နယ်၊ တာဂွကျေးရွာတွင် ယနေ့ (ဖေဖော်ဝါရီ ၃ ရက်) နံနက် ၁၀ နာရီ ၃၂ မိနစ်အချိန်ခန့်က ဘီယာဆိုင်တစ်ဆိုင် မီးလောင်မှုဖြစ်ပွားကြောင်း သတင်းရရှိသဖြင့် တိုက်ကြီးမြို့နယ်မီးသတ်စခန်းမှ မီးသတ်ယာဉ် ၄ စီးဖြင့် သွားရောက်ငြှိမ်းသတ်လျက်ရှိသည်။ လက်ရှိတွင် မီးသတ်တပ်ဖွဲ့ဝင်များက မီးငြှိမ်းသတ်ရေးလုပ်ငန်းများကို အရှိန်အဟုန်ဖြင့် ဆောင်ရွက်နေဆဲဖြစ်ပြီး မီးလောင်မှုအခြေအနေနှင့် ပျက်စီးဆုံးရှုံးမှု အသေးစိတ်ကိုမူ ဆက်လက်စုံစမ်းဆဲဖြစ်ကြောင်း သိရှိရပါသည်။