တောင်ဥက္ကလာပမြို့နယ် ရတနာလမ်းနှင့်သံသုမာလမ်းကြားတွင် မီးလောင်မှုဖြစ်ပွား

ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ (၁၄) ရပ်ကွက်၊ ရတနာလမ်းနှင့် သံသုမာလမ်းကြားရှိ နေရာတစ်ခုတွင် ၂၀၂၆ ခုနှစ်၊ ဇန်နဝါရီ ၂၇ ရက် ည ၈ နာရီ ၃၂ မိနစ်အချိန်ခန့်က မီးလောင်မှုဖြစ်ပွားခဲ့ရာ တောင်ဥက္ကလာပမြို့နယ်နှင့် သင်္ဃန်းကျွန်းမြို့နယ်တို့မှ မီးသတ်ယာဉ်များ၊ ရေသယ်ယာဉ်များဖြင့် သွားရောက်ငြှိမ်းသတ်ခဲ့ကြသဖြင့် ည ၈ နာရီ ၅၃ မိနစ်တွင် မီးအပြီးသတ်ငြိမ်းသွားခဲ့သည်။ အဆိုပါမီးလောင်မှုကြောင့် ထိခိုက်ပျက်စီးမှုအခြေအနေနှင့် မီးစတင်လောင်ကျွမ်းရသည့် အကြောင်းရင်းကို တာဝန်ရှိသူများက ဆက်လက်စစ်ဆေးလျက်ရှိကြောင်း သိရှိရပါသည်။