ဇန်နဝါရီ ၃၀ ရက်တွင်ကျင်းပမည့် ONE Friday Fights 140 ၌ သွေးလင်းထက်နှင့် ကောင်ချိုင်း ထိုးသတ်မည်

မြန်မာ့ရိုးရာလက်ဝှေ့ကြယ်ပွင့် သွေးလင်းထက်သည် လာမည့် ဇန်နဝါရီ ၃၀ ရက်တွင် ထိုင်းနိုင်ငံ၊ ဘန်ကောက်မြို့ရှိ လုမ္မဏီအားကစားရုံ၌ ကျင်းပမည့် ONE Friday Fights 140 ပြိုင်ပွဲတွင် ထိုင်းဖိုက်တာ ကောင်ချိုင်းနှင့် ရင်ဆိုင်ထိုးသတ်သွားမည်ဖြစ်သည်။ ONE Championship တွင် ၅ ပွဲနိုင်၊ ၂ ပွဲရှုံး ရလဒ်ပိုင်ဆိုင်ထားသည့် သွေးလင်းထက်သည် ပြီးခဲ့သည့် စက်တင်ဘာလက မွေထိုင်းဂန္ထဝင် ဆမ်အေအား အမှတ်ဖြင့် ရှုံးနိမ့်ခဲ့သော်လည်း ယခင်က ဖလက်ပန်တမ်၊ ရော့ကီကဲ့သို့ နာမည်ကြီးများကို အနိုင်ယူခဲ့ဖူးသူဖြစ်သည်။ ၎င်းနှင့် ရင်ဆိုင်ရမည့် ကောင်ချိုင်းမှာမူ ONE တွင် ပွဲပေါင်း ၁၅ ပွဲအထိ ထိုးသတ်ထားပြီး ၉ ပွဲနိုင်၊ ၆ ပွဲရှုံး ရလဒ်ရှိကာ နောက်ဆုံးပွဲတွင် ဘရာဇီးဖိုက်တာကို အနိုင်ရရှိထားသူဖြစ်သဖြင့် အမှတ်ရလိုနေသည့် သွေးလင်းထက်အတွက် အရေးပါသည့် စိန်ခေါ်မှုပွဲစဉ်တစ်ပွဲ ဖြစ်လာမည်ဖြစ်သည်။