ရန်ကုန် သန်လျင်ရှိစွမ်းအင်ပြတိုက်ကို လာရောက်လေ့လာသူများပြားကာပြတိုက်ဖွင့်လှစ်ချိန်မှ စပြီး လာရောက်လေ့လာသူ ၁၃၀၀ နီးပါးရှိပြီး ဖြစ်

ရန်ကုန်တိုင်းဒေသကြီး၊ သန်လျင်မြို့နယ် သန်လျင်ရေနံချက်စက်ရုံဝင်းအတွင်း စွမ်းအင်ဝန်ကြီးဌာန၏ နှစ်(၄၀)ပြည့် အထိမ်းအမှတ်နှင့် သန်လျင်ရေနံချက်စက်ရုံ ရာပြည့်အထိမ်းအမှတ်အနေဖြင့် ဖွင့်လှစ်ထားသည့် စွမ်းအင်ပြတိုက်ကို အများပြည်သူများလာရောက်ကြည့်ရှုမှုများပြားကြောင်း ကြောင်းသိရသည်။ပြတိုက်ကို ၂၀၂၅ ခုနှစ် ဒီဇင်ဘာလ ၂၄ ရက်မှ စတင်ဖွင့်လှစ်ခြင်းဖြစ်ပြီး အပတ်စဉ် တနင်္လာနေ့က လွဲပြီး နေ့စဉ် မနက်(၁၀)နာရီကနေ ညနေ (၅)နာရီထိ ဖွင့်လှစ်ထားခြင်းဖြစ်ကြောင်းသိရသည်။၂၀၂၆ ဇန်နဝါရီ ၁၆ ရက်နေ့ အထိ ပြတိုက်ကို လာရောက်လေ့လာကြည့်ရူသူဦးရေ (၁၂၈၇)ဦးရှိပြီးဖြစ်ကြောင်း သိရသည်။သန်လျင် ရှိ စွမ်းအင်ပြတိုက်ကို မြန်မာစွမ်းအင် ကဏ္ဍ ၏ သမိုင်းကြောင့် များကိုသိရှိစေရန် နှင့် ရှေ့ဆက်ဆောင်ရွက်သွားမည် လုပ်ငန်းစဉ်များကို သိရှိစေရန် ရည်ရွယ်ပြီး စွမ်းအင်ပြတိုက်ကို ဖွင့်လှစ်ထားခြင်းဖြစ်ပြီး အခမဲ့လာရောက်လေ့လာနိုင်မည်ဖြစ်သေည်။အနာဂတ်မျိုးဆက်သစ်ကျောင်းသားကျောင်းသူများအတွက် စွမ်းအင်ကဏ္ဍ နှင့် ပတ်သက်သည့်လုပ်ငန်းများကိုလည် တစ်နေရာတည်း၌ သိရှိလေ့လာနိုင်မည်ဖြစ်ကြောင်း သိရသည်။ပဒေသရာဇ်ခေတ်မှစပြီး ယနေ့အထိ ခေတ်အလိုက်စုစည်းပြသထားသည့် ပြကွက်များ၊ သမိုင်းကြောင်းအထောက်အထားများ ပုံစံငယ်များ အသုံးအဆောင်များ နှင့် ရေနံနှင့်သဘာဝဓါတ်ငွေ့ထုတ်လုပ်မှု လုပ်ငန်းစဉ်များ စွမ်းအင်ကဏ္ဍ၏ ရှေ့ဆက်သွားမည် လုပ်ငန်းစဉ်များ နှင့် ပတ်သက်သည်များ စသည်တို့ကို ပြသထားခြင်းဖြစ်ကြောင်း သိရသည်။