ပိုးသတ်ဆေးဓာတ်ကြွင်းတွေ့ရှိပါက တရုတ်သို့ ပဲမျိုးစုံ တင်ပို့ခွင့်ပိတ်မည်ဟု သတိပေး

တရုတ်နိုင်ငံသို့ တင်ပို့မည့် ပဲမျိုးစုံ၊ အထူးသဖြင့် ပဲတီစိမ်း များတွင် ပိုးသတ်ဆေးဓာတ်ကြွင်း ကျန်ရှိပါက တင်သွင်းခွင့်ရရှိတော့မည်မဟုတ်ကြောင်း မြန်မာနိုင်ငံ ပဲမျိုးစုံ ကုန်သည်များအသင်း၏ အကြံပေးပုဂ္ဂိုလ် ဦးစိုးဝင်းမောင်က အလေးထားဆောင်ရွက်ရန် သတိပေးလိုက်သည်။ ယခုနှစ်အတွင်း ပဲတီစိမ်း တန်ချိန် ၁ သောင်းကျော်သည် ဓာတ်ကြွင်းများကြောင့် တရုတ်မှ မြန်မာသို့ ပြန်ပို့ခံခဲ့ရသည့် ဖြစ်စဉ်ရှိခဲ့သည်။ တောင်သူများအနေဖြင့် လာမည့်စိုက်ပျိုးရာသီတွင် ဓာတ်ကြွင်းမကျန်အောင် ဂရုပြုရန်နှင့် ရေရှည်ဈေးကွက်အတွက် နောက်ကြောင်းပြန်ခြေရာခံစနစ် ထူထောင်ရန် လိုအပ်ကြောင်း ၎င်းက ပြောကြားခဲ့သည်။