ပဲခူးမြို့အနီးရှိ ဇလက်ထော်အပန်းဖြေစခန်းသို့ သွားရာလမ်းတွင် ယနေ့(စက်တင်ဘာ ၂၃ ရက်) မွန်းလွဲပိုင်းက မိုးများစွာ ရွာသွန်းမှုကြောင့် ချောင်းကူးတံတားငယ်တစ်စင်းပြိုကျသွားကြောင်း ဒေသခံများမှ လူမှုကွန်ရက်တွင်ဖော်ပြထားပါသည်။ထိုတံတားမှာ အပန်းဖြေစခန်းသို့သွားရောက်ရာ ပဲခူးဇလက်ထော်ဆည်မြောင်းလမ်းပေါ်တွင်ရှိပြီး မွန်းလွဲ ၁ နာရီခွဲအချိန်ခန့်က ပြိုကျသွားခြင်းလည်းဖြစ်သည်။ထိုအပန်းဖြေစခန်းမှာ ဇလက်ထော်ရေလှောင်တမံအနီးတွင်ရှိပြီး ရန်ကုန်မြို့မှ အပန်းဖြေသွားရောက်သူများ အများဆုံးရှိရာနေရာလည်းဖြစ်သည်။ ယခုနောက်ပိုင်းတွင် ယင်းနေရာကို ပြည်တွင်းခရီးသွားဝန်ဆောင်မှုလုပ်ငန်းအချို့မှ တစ်ဦးလျှင် ၅၅,၀၀၀ ကျပ်နှုန်းဖြင့် ခရီးစဉ်ရေးဆွဲကာ အပန်းဖြေပို့ဆောင်ပေးခြင်းများရှိပါသည်။
