ထိုင်း-မြန်မာနယ်စပ် မယ်ဆိုင်ချောင်းရေမြင့်တက်လာမှုကြောင့် ယနေ့ ဩဂုတ်၁၆ ရက် နံနက်ပိုင်းတွင်တာချီလိတ်မြို့တွင်ရေကြီးရေလျှံဖြစ်ပွားနေကြောင်း ဒေသခံသတင်းရင်းမြစ်များထံက သိရသည်။လတ်တလော အခြေအနေအရ တာလော့ရပ်ကွက်၊ ပုန်းထွန်ရပ်ကွက်၊ မကာဟိုခမ်းရပ်ကွက်၊ ဆန်ဆိုင်း (က)ရပ်ကွက်နှင့်မယ်ခေါင်ရပ်ကွက်တို့ရှိ နေအိမ်များနှင့် လမ်းများအတွင်းရေများဝင်ရောက်နေသည်ဟု ဆိုသည်။မယ်ဆိုင်ချောင်း တာချီလိတ်မြို့၏စိုးရိမ် ရေမှတ် ၄၁၀ စင်တီမီတာသို့ ရောက်ရှိနေပြီဖြစ်ကြောင်း သိရသည်။
