“တစ်ရာဖိုး သုံး Cele ”ဟု အမည်ရသော အဆိုတော် ဝေလ၏ တေးသီချင်းသစ်မှာ လက်ရှိအချိန်အထိ ပရိသတ်များကြားတွင် ရေပန်းစားနေပြီး ဂီတလောကနှင့် ရုပ်ရှင်အနုပညာလောကအတွင်း ဝေဖန်မှုအချို့လည်းရှိခဲ့ကြောင်း သိရသည်။အဆိုပါ တေးသီချင်းမှာ ဂီတလောကနှင့် ရုပ်ရှင်အနုပညာလောအတွင်း အနုပညာခံစားမှုထက် အကျိုးအမြတ်ကိုသာ ရည်ရွယ်၍လုပ်စားနေမှုအပေါ် ဝေဖန်သီဆိုထားခြင်းဖြစ်သလို အနုပညာလောကအတွင်းမှ အားပေးထောက်ခံသူလည်း အများအပြားရှိခဲ့သည်။ထိုတေးသီချင်းမှာ Lyric - ဝေလ/ကိုထက်၊ Band – Marcury ၊ Oasis Studio မှ ထုတ်လုပ်ပြီး အဆိုတော် ဝေလက ပြီးခဲ့သော ဇွန်လ ၁၂ ရက်မှစ၍ ပရိသတ်များနားဆင်နိုင်ရန် လူမှုကွန်ရက်မှဖော်ပြပေးခဲ့သော်လည်း လက်ရှိအချိန်အထိ ပြန်လည်မျှဝေသူများစွာဖြင့် ပရိသတ်အားပေးမှုရနေသော တေးသီချင်းအဖြစ် တည်ရှိနေလျက်ရှိသည်။
