နွေရာသီ မွန်စာပေနှင့် ဗုဒ္ဓဘာသာယဉ်ကျေးမှု စာမေးပွဲကြီး အောင်မြင်သူ ၃၅၀၀ နီးပါးကို ဆုချီးမြှင့်

ဇွန်လ ၁ ရက်နေ့က ဘားအံမြို့နယ်၊ သံလှယ်ပရိယတ္တိစာသင်တိုက်တွင် ယခုနှစ် ကျင်းပသည့် မွန်ဒေသလုံးဆိုင်ရာ နွေရာသီ မွန်စာပေနှင့် ဗုဒ္ဓဘာသာယဉ်ကျေးမှု စာမေးပွဲကြီးတွင် အောင်မြင်ခဲ့သူ ၃၅၀၀ နီးပါးကို ဆုချီးမြှင့်ပွဲကျင်းပခဲ့ကြောင်း သိရသည်။မွန်ဒေသလုံးဆိုင်ရာ နွေရာသီ မွန်စာပေနှင့် ဗုဒ္ဓဘာသာယဉ်ကျေးမှု စာမေးပွဲကြီးကို မွန်လူငယ်များအကြား မိခင်ဘာသာစကား၊ စာပေ၊ သမိုင်းအမွေအနှစ်နှင့် ဗုဒ္ဓဘာသာယဉ်ကျေးမှုတို့ကို ထိန်းသိမ်းမြှင့်တင်ရန် ရည်ရွယ်၍နှစ်စဉ်ကျင်းပခဲ့ခြင်းဖြစ်ကြောင်း သိရသည်။