ပဲခူးတိုင်းဒေသကြီးတွင် တရားမဝင်ကျွန်းသစ် ၃ ဒသမ ၀၁၉ တန်ဖမ်းမိခဲ့

မေလ၁၆ရက်တွင် ပဲခူးတိုင်းဒေသကြီး တရားမဝင်ကုန်သွယ်မှုတိုက်ဖျက်ရေး အထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများဆောင်ရွက်ခဲ့ရာ ညောင်လေးပင်ခရိုင်နှင့် သာယာဝတီခရိုင်တို့အတွင်း၌ တရားမဝင်ကျွန်းသစ် ၃ ဒသမ ၀၁၉ တန်၊ သစ်မာသုညဒသမ ၃၉၁ တန်၊ အခြားသစ် ၂ ဒသမ ၈၁၉ တန် စုစုပေါင်းခန့်မှန်း တန်ဖိုးငွေ၂,၈၉၅,၅၅၉ ကျပ်ကို သိမ်းဆည်းရမိခဲ့ပြီး သစ်တောဥပဒေနှင့်အညီ အရေးယူဆောင်ရွက်လျက်ရှိပါတယ်။