နေပြည်တော်တွင် ငလျင်ဒဏ်ကြောင့်ပျက်စီးခဲ့သည့် အဆောက်အဦများအတွက် ပြန်လည်တည်ဆောက်ရန် မျှော်မှန်း၍ Town Plan အသစ်ရေးဆွဲမည်

နေပြည်တော်ကောင်စီနယ်မြေအတွင်း မတ်လ ၂၈ ရက်မှစ၍ ဖြစ်ပွားလာသော မြေငလျင်အဖြစ်အပျက်များကြောင့် ထိခိုက်ပျက်စီးခဲ့သည့် အဆောက်အဦများကို လုံခြုံမှုအထူးအရေးပြု၍ ပြန်လည်တည်ဆောက်နိုင်ရန်အတွက် မြို့ပြစီမံကိန်း (Town Plan) အသစ်ရေးဆွဲရေးလုပ်ငန်းများကို ဆောင်ရွက်သွားမည်ဖြစ်ကြောင်း တာဝန်ရှိသူများက ပြောကြားသည်။ဤအစီအစဉ်တွင် ပျက်စီးသွားသည့် အစိုးရအဆောက်အဦများ၊ ပုဂ္ဂလိကအဆောက်အဦများနှင့် လူနေအိမ်များအား မြေငလျင်ဒဏ်ခံနိုင်သော နည်းပညာနှင့် ဆောက်လုပ်ရေးစံသတ်မှတ်ချက်များဖြင့် ပြန်လည်တည်ဆောက်ရေး စီမံကိန်းများအပါအဝင်၊ မြို့ပြအစီအစဉ်အသစ်အား ဦးတည်ဖော်ဆောင်သွားမည်ဖြစ်သည်။