လာမယ့် ၂၀၂၅ ဩဂုတ်လအတွင်း မြန်မာအမျိုးသမီး ယူ၁၆ အသင်းက AFF girls U16 Championship 2025 ပြိုင်ပွဲကိုဝင်ရောက်ယှဉ်ပြိုင်မည်

လာမယ့် ၂၀၂၅ ဩဂုတ်လအတွင်း မြန်မာအမျိုးသမီး ယူ၁၆ အသင်းက AFF girls U16 Championship 2025 ပြိုင်ပွဲကို အင်ဒိုနီးရှား နိုင်ငံမှာ သွားရောက်ယှဉ်ပြိုင်ဖို့ ရှိနေပြီး အမျိုးသမီး ယူ၁၉ နဲ့ အမျိုးသမီး လက်ရွေးစင် အသင်းတွေကလည်း နိုင်ငံတကာ ပြိုင်ပွဲတွေအတွက် ဆက်လက် ပြင်ဆင်သွားရမှာပါ။မြန်မာ့ လက်ရွေးစင် အမျိုးသမီး အသင်းကြီး အနေနဲ့ ယခုနှစ်အစမှာပဲ နိုင်ငံတကာဖိတ်ခေါ်ပြိုင်ပွဲ ချန်ပီယံဆု ရရှိပြီးနောက်မှာ ဆီးဂိမ်းစ်နဲ့ အာဆီယံ ချန်ပီယံရှစ် ပြိုင်ပွဲတွေ ဆက်လက်ကစားရဦးမှာပါ။ အမျိုးသမီး ဘောလုံးအတွက် စဉ်ဆက်မပြတ် မျိုးဆက်သစ်တွေ ပေါ်ထွက်လာဖို့ အမျိုးသမီးလိဂ်လည်း ဆက်လက်ကျင်းပဖို့ စီစဉ်နေသလို မျိုးဆက်သစ်တွေ ပေါ်ထွက်ရေး အတွက် အမျိုးသမီး ယူ ၁၉၊ အမျိုးသမီး ယူ၁၆ အသင်းတွေ ဖွဲ့စည်းပြီး ပြည်တွင်းပြည်ပပြိုင်ပွဲတွေ ကစားဖို့ရှိနေပါတယ်။