အဆိုတော် ဆုန်သင်းပါရ်က ပြင်ဦးလွင်မှာနေထိုင်နေတဲ့ အငဲတို့မိသားစုနဲ့အလည်သွားရင်း ခေတ္တဆုံတွေ့ခဲ့တာဖြစ်ပါတယ်။ လူမှုဆက်ဆံရေးမှာ အားနည်းပေမယ့် သူမကို အမြဲတစေတွေ့တိုင်း ဆူစရာရှိဆူ၊ ပြောစရာရှိတာပြောပြီး ချစ်ပေးတဲ့ မိသားစုလေးဖြစ်တယ်လို့ဆိုပါတယ်။ ပြင်ဦးလွင်ရောက်တိုင်း ဧည့်ဝတ်ကျေလွန်းတဲ့ မိတ်ဆွေကောင်းတွေနဲ့ ပြန်ဆုံတွေ့ခဲ့တဲ့ အမှတ်တရလေးကိုသူမရဲ့ဆိုရှယ်မီဒီယာမှတစ်ဆင့် ကျေးဇူးတင်စကားဆိုရင်း မျှဝေပေးထားတာလည်းဖြစ်ပါတယ်။



